Stúlkukind hefur ekki verið að gera neitt merkilegt nema að hún er búin að setja ullarpeysuna saman og er að reyna smella munstrinu á hana, fór til Ragnheiðar í Efsta Dal
og sat þar við að setja peysuna saman á meðan hún og tengdamamma hún Rúna voru að gera slátur voða stuð hjá okkur. Eins og allir vita þá er veðrið búið að vera hræðilega kalt og mikið rok í síðustu viku. Ég er farin að reyna tjá mig á þýsku í vinnunni þar sem þrír starfsmenn tala þýsku. Það er búið að bjóða mér á  jólahlaðborð á Hótel Geysi  og  þar verða Stebbi Hilmars og Eyjólfur kristjáns, mjög gaman fer örugglega.

Það sem er á næstunni : að gera harðangur og klaustur í sængurverasett handa ungabarni og ullarpeysa handa mér...... svo eiga einhverjir eftir að fá vettlinga

Er búin að horfa á alla friends seríuna

dabb

Stúlkukindin fór í bæinn nýrúin vegna þess að henni vantaði garn í peysuna handa stóru systir (skrítið). Stúlkukindin fór að heimsækja siðmenntaðar kindur sem voru með henni í Hússtjórnarskólanum, fórum út að borða á horninu , svo fóru allir á einhvern bar og þar var drukkið og spjallað, held að Íris ætli að halda partý 17 nóvember. Stúlkukindin og Hrefna sæta ætlum að skipuleggja bústaðaferð eftir áramót. Á sunnudeginum spurði ég pabba hvort hann þyrfti nudd á hnjásvæðið og þegar hann var að hugsa sig um fékk hann þvílíkan verk í hnéð og sagði að ég væri norn _djók, jæja held að ég hafi læknð hann  svo hann kæmist á æfingu. Fór til Sigurðar Þúfubónda og Snorri og Týra komu líka.
jæja þangað til að ég hef eitthvað merkilegt að segja
bið að heilsa ykkur

Stúlkukindin er svaka flippuð kind, í vor lét hún taka myndir af sér þar sem hún stendur on á hestinum sínum honum blesa, stundum þegar ég gerði þetta inn í stíunni hans þá labbaði ég fram og til baka og gerði allar hundakunstir og hann stóð alltaf kyrr.
Maður systir minnar tók mynd af þessu athæfi mínu og er hún komin til sýningu

Fór til Hveragerðis í dag til að ná í skattkortið mitt og leit inn hjá Sigga á þúfu í einn kaffibolla og þaut út þegar það var orðið of margt af körlum - three is more than a crowed
jæja verið sæl að sinni

Stúlkukindin er að vinna alla daga og kemur svo heim til að passa lítið lamb, þess á milli er hún á fullu að reyna prjóna alfa/mohair peysu handa Stóru kindasystur. Stúlkukind prjónaði húfu á sig en það varð úr að hún gaf litlu kindasystir sinni hana því hún var of lítil, kindin verður að prufa sig áfram það er alveg á tæru. Stúlkukind er að passa allar helgar og hún hefur farið að heimsækja Sigurð bónda á þúfu hverja helgi eftir að hún flutti en það verður víst eitthvað að minnka á meðan það er fjárhalli haha......
Stúlkukindin þekkir engan hérna þannig að hún fer ekki mikið en til nágrannans á hlaðinu hennar Stínu og svo býr Ragnheiður vinkona mín rétt hjá, þannig að ég fæ fullt af hjálp að prjóna

verið sæl að sinni
endinlega segið ykkur skoðun um hvernig ég skrifa og hvað ég skrifa ekki

Stúlkukindin hefur hafið nýtt líf á nýjum slóðum þannig séð, hún er núna búsett á Efri-Reykjum í biskupstungum þar sem hún fékk vinnu á Friðheimum að tína tónmata og allt sem viðkemur umhirðu plantnanna. Hún fékk líka það verkefni að vera yfirsetukind yfir litlu frænku sinni sem er nýorðin eins árs svo Stóra kindasystir geti unnið og átt einhvern frítíma. Núna á Stúlkukind nóg af ull svo að hún er að fara prjóna húfu og skvísupeysu á stóru systir, það áttu allir að fá vettlinga í jólagjöf sem ég myndi prjóna en það verður held ég ekkert úr því, mér finnst svo erfitt að byrja. Stúlkukindin er ekki búin að vera bralla mikið en hún fór að heimsækja loríu og berg og það var mjög gaman.Kíkti á uppáhaldsvini mína á Shell litla og stóra Villa  svo fór ég að heimsækja Herra Sigurð þúfubónda og hægri höndina hans Snorra, horfðum á Engla Alheimsins og ég held að mér hafi aldrei fundist hún eins skemmtileg og eins og þegar ég horfði á það með þeim. Stúlkukind fær alltaf sms á hverjum fimmtudegi og þá er alltaf einhver uppákoma á hverfisbarnum en ég bara kemst ekki Bæjarferðir verða sjaldséðnar þangað til að Hestarnar fara á hús.

Kveð með þökkum um gott lesáhorf
mememeem

Stúlkukindin er komin á kaldan klakan eftir að hafa verið í hitanum á spáni í 12 daga
Þar var mjög heitt og kindin þurfti að nota viftu til að geta sofið. Stúlkukindin gerði í því að liggja í sólinni og fá á sig lit þó að hún sé ekki mesti aðdánandin hennar og gekk ágætlega. Stúlkukindin kíkti á ströndina og lék sér í öldunum á vindsæng svo að hún myndi ekki lenda í hremmingum frá killer marglittum sem voru í því að láta sig koma upp að landi. Stúlkukindin fór í Terra Metika Skemmtigarðinn og fór í þrjú tæki af ég veit ekki hvað mörgum, henni fannst það bara mjög lélegt, en svona er að vera með viðkvæman líkama. Það var mikið gert af sér eins og að brjóta nokkra ára vínbindindi, allt sem hét drykkur var vont nema bjór og var ég orðin dagdrykkjukind og var öllum svo bylt við að þau báðu mig endilega að láta renna af mér áður en við kæmum til Íslands, ætli maður fari ekki bara í annað bindindi
Gott frí bara með góðum ferðafélögum og vil ég senda þeim innilegar þakkir fyrir allt saman.

yfir og út

Það er langt síðan að það hefur heyrst einhver hljóð frá mér í langan tíma ég sé að það sé alveg frá því um páskana og ég var í Hússtjórnarskólanum í Reykjavík, já kláraði þar mað ljáði ekkert sérstaklega ánægð með bóklegu fögin en jæja maður kann ýmislegt eftir þetta. Ég sótti um vinnu í Hveragerði í sumar á gróðurstöð sem var með sumarblóm og trjáplöntur. Ég fékk leigt herbergi á besta stað í Hveragerði hjá Loryane og bergi og fékk alveg frábæran mat, það þarf ekki að spyrja að því að hún Lory er listakokkur. Ég vann mest með tveimur konum sem heita Jóhanna og Unnur, við urðum bestu vinkonur og fórum alltaf í bakaríið á föstudögum svona til að hafa einhverja tilbreytingu og einn daginn hitti ég góðan vin minn hann Sigurð nokkurn á þúfu og bauð hann mér að koma að kíkja á sig og það gerði ég og sat þar á kvöldin ásamt vini hans honum Snorra. Nú er svo í pottinn búið að stúlkukindin er að flýja til spánar að ná í síðustu sólina fyrir veturinn.

Takk fyriri þið sem hafið gert sumarið mitt ógleymanlegt

Stúlkukind er komin í langt páskafrí og ákvað að skreppa í sveitina, upplifa svona aðra stemningu og hitta hinar kindurnar Stúlkukind er mjög glöð yfir því að dvelja hjá elstu kindarsystir sinni og fá að passa litla lambið hennar, þess á meðan sem ég er að hekla sjal (svona skólaverkefni). Blesi hesturinn minn er að koma í bæinn eftir helgi og mig hlakkar svo til að dekra rúsínuna mína, það er bara ekki hægt að fá betri hest það er allavega mjög auðvelt að kenna honum. já ég fer aftur austur á laugardag eða sunnudag í baráttuna

hef ekki meira að segja þannig séð ég er komin með ritstíflu

Stúlkukindin fékk þá brjáluðu hugmynd að leigja spólu með litlu systir og var svampur sveinsson fyrir valinu, þvílík og önnur eins skemmtun fyrir mig og systir mina sem dýrkum teiknimyndir fyrir utan að hún leyfir mér aldrei að vera með kjánagang, hún vill bara hlusta og einbeita sér að efninu, enda finnst mér hún vera mjög þroskuð miðað við aldur (sko bara min skoðun)

Ég er hneggjuð hneta já, þú ert hneggjuð hneta já, hneggi hneggi hneggi hnetja já

á morgun förum við á fjölskyldumyndina lassie með frænkum okkur Herdísi og Hrund og skellum okkur svo á hestbak á Kaffibarinn, áður en ég held að ég fái flensuna er orðin kvefuð með hálsbólgu

jæja mæli allavega sterklega með þessari mynd Svampi Sveins
yfir og út

Stúlkukindin er í fullu fjöri, hún gerði sér ferð til Hveragerðis til að hlusta á hljómsveitina Hitakút sem er víst geisivinsæl þar í bæ, ég varð allavega ekki fyrir vonbrigðum þótt ég stoppaði ekki lengi því miður á vonandi eftir að fara aftur og sjá allt showið. Stúlkukind er byrjuð að hekla sér sjal og það gengur ágætlega. Hún er búin að vera bakari í eldhúsinu þessa vikuna, bakaði þvílíikt góða snúðaköku og pizzusnúða sem vöktu lukku en vegna magnleysis þá mátti enginn fá nema eitt stykki. Þetta er mjög hagnýtur skóli og hef lært það að maður getur prjónað nánast allt, hefði verið til í aðeins lengri námstíma þó því þetta er bara þvílík hraðbraut og maður gerir víst ekki mikið en að hanga allan daginn í blessuðum skólanum að gera heimavinnuna sína. Það er búið að vera mjög kalt úti og stúlkukind er komin með hálsbólgu. jæja vildi að ég hefði eitthvað að segja en betra er að þegja en að skrifa rugl

verið sæl

Stúlkukind vill bara koma því á framfæri að hún viti ekki um annað leiðinlegra en fólk sem nærist á slúðri, það að hnýsast í annara manna líf og koma einhverjum sögum á stað sem eru ekki einu sinni sannar. Hvernig getur maður kallað fólk sem er áberandi í þjóðlífinu "frægt" er þetta ekki bara manneskja eins og ég og þú.Hvað fáum við út úr því að lesa slúður um það eða heyra einhverjar sögur um eitthvað sem þau hafa gert. Eins með Kóngafólkið í útlöndum, ég veit ekki hvenær það gerist en á einhverjum tímapunkti útnefni einhver valdamikill maður sig konung, mér finnst þetta bara vera venjulegt fólk kannski að klæðaburðurinn og þessi fínheit skera þau úr-bygging á þessum höllum er bara sóun á skattpeningi, við erum ekkert betri sett rík eða fátæk heldur að allir fái sinn skerf og það ríki jafnvægi á milli stétta . Ætli ég sjálf er bara fegin því að vera ekki í sjálfu spotlightinu ég væri örugglega orðin geðveik á því að fólk væri að fylgjast með mér og myndir af mér myndi byrtast í einhverju blaði en þá er stóra spurningin hvernig kemur maður sér áfram í þessu þjóðfélagi.

me me me me Kindin kveður

Ungar stúlkur frá því að vera ungmenni og þangað til þær kalla sjálfa sig fullorðnar eru þær gjarnan kallaðar stúlkukindur, þess vegna kalla ég mig stúlkukind, ekki það að mér finnst rollur bara fín dýr og ef ég væri bóndi myndi ég örugglega vera með kindur.
Veðrið er búið að vera dásamlegt eins og það sé bara komið vor. Stúlkukindin sá góða teiknimynd um helgina þar sem menn og dýr voru að berjast, mennirnir voru að reyna höggva niður tré og fá landið undir sig og framleitt járn en dýrin voru að reyna halda skóginum og það var einn milligöngumaður sem var að reyna að fá þau til að lifa í sátt og samlyndi en maðurinn er voðalega gráðug skepna, afhverju er ekki hægt að finna milliveginn. Ég fæ nánast verk í hjartað þar sem ég sé byggingar rísa þar sem maður vill ekki sjá svoleiðis og missa útsýni og staði til að geta stundað útreiðar, og plássið sem við fáum er alltaf að minnka og minnka.

jæja ég hef svo sem ekkert merkilegt að segja bara reyna halda mér hérna inni og reyna finna nýjar hugsjónir og kannski fá einhvern til að hugsa og finna leiðir til
betra lífs
over and out
 

Stúlkukindin kemur brokkandi inn í skemmtanalífið í Reykjavík og það er margt gaman að gerast til dæmis er hún í félagsskap sem fer alltaf ríðandi á Hrímfaxa sem er svona Félagsmiðstöð fyrir fólk sem er í hestunum á Reykjavíkursvæðinu og um daginn sá ég Hilmi Snæ og Jóhann leikara sem var bara með session á gítarnum svaka stuð .
Um daginn fór ég á Hverfisbarinn að hlusta á Gunna Óla og Sigurjón Brink og þar var allt troðfullt , mikið stuð á fimmtudögum því þá er bara session út um allt.
Stúlkukindin reynir líka að sitja heima og gera heimaverkefnin sín og hún er að hanna snilldarpeysu = hún er dökkblá með tveimur vösum og útvíðum ermum svo er spurning hvort maður setji hettu eða eitthvað annað, það hlakkar í mér að fylgja ekki uppskrift og do it my way eins og einhver sagði það. Svo er stúlkukindin með smá tilkynningu, hún fór í Hitt Húsið til að hlusta á upprennandi tónlistarfólk og til ykkar sem viljið þá er verið að leita að fólki í gigg.

jæja ætla hafa þetta dáldið dularfullt og skrifa ekki meira

sjáumst

Stúlkukindin er komin á stjá, eftir nokkra erfiða daga í lopanum en lífið er ekkert annað en smásigrar svona litlar bingókúlur. Stúlkukindin tekur tilhlaup og hoppar yfir 4 hindranir bara til að liðka stirða liði. Stúlkukindin er nú orðin 24 ára (11. feb) Hún hélt upp á fæðinguna sína með því að fara með nokkrum vinum á barinn Hrímfaxa og svo var haldið austur á Laugarvatn að hitta gömlu góðu vinina sem eru nottla gull. Það er bara eitthvað sveitó í stúlkunni eða eigum við að segja kindinni, þær eru báðar jafnsætar. Stúlkukindin er dáldið mikil grallari og hefur verið mikið að pæla í heimspeki, kindin er að hugsa hvort lífinu hennar sé stjórnað gott dæmi eins og hún væri strengjabrúða og það væri leikhússtjóri að stjórna henni að allt sem hún gerði væri fyrirfram ákveðið, án þess að maður viti að það sem maður ákvað kom frá okkur sjálfum eða leikhússtjóranum. Það er eins með hugsanirnar, hvaðan koma þær og eru þær mínar eða er einhver sem segir mér þær, ég vantreysti svo heilanum sem ég er með svo er ég áttavilt með það er þetta nægar útskýringar ? Er einhver sem stentur fyrir aftan mig og stjórnar mér eða er ég að vantreysta háþróaðri tegurnd að nafni stúlkukind - you tell me/ skiluru

jæja út með púkan og inn með fjörið

stúlkukindin has left the building

Stúlkukindin er að reyna meika það í skólanum, fattarinn er dáldið langur þegar kemur að útsaumssporum í verkefnum. Kindur eru að gera það gott eins og er þar sem lopi er mjög vinsæll at the moment í lopapeysur og ekki má gleyma lopasokkum alveg nauðsynleg kvikindi þar sem það er stundum kalt á tímabilum þegar maður er að stunda útreiðar. Stúlkukind eins og ég er í skýjunum yfir að ná vel til stelpnanna sem eru með mér í hóp og þeim finnst ég vera mjög fyndin þó ég sjái það ekki sjálf - hallelúja.
Ég held að geimgeir sé alveg komin út fyrir kortið og ég sé í millibilsástandi þar sem ég sé engar framfarir í andlegri líðan minni eins og er, er að bíða eftir framhaldi. Stúlkukindin er sammaála sjálfri sér með því að henni vantar eitthvað til að láta andlitið á sér skína þannig að hún hafi eitthvað heillandi fram að bera og eftir að hafa kynnst þessum kindum í skólanum þá er hún alveg ráðvilt hvar maður kynnist svona ekta hrútum þeirra svar er á djamminu en ég hefði helst viljað finna minn í hversdagslífinu þar sem ég myndi hitta hann nokkrum sinnum í viku vegna ákveðna erinda og uppúrþví myndi skapast einhver ástríða  og svo er stóra spurningin hvað er hið fullkomna deit allavega ekki að fara á bíomynd

sæl að sinni skvísur og gaurar - gott líf framundan